«Трансэнергопром» ОООпа «ЭСК РусГидро» АО генеральнăй директорĕсем Елена Климашевскаяпа Владимир Кимерин Чăваш энергосбыт компанийĕн акцийĕсен 100 процентлă пуххине парассипе çыхăннă сделкăна вĕçленĕ — хаклă хутсене Трансэнергопром балансне куçармалли хушăва алă пуснă.
2020 çулта Чăваш Енри нумай хваттерлĕ 281 çурта юсама, çакăн валли 1,3 миллиард тенке яхăн тăкаклама палăртнă. Плана туллин пурнăçлайман — 238 çуртра юсав ĕçĕсене ирттернĕ. Апла пулин те строительство министрĕ фонд ĕçне ырласа хакларĕ: пандемие пула юсав ĕçĕсене пуçăнмашкăн тытăнса тăма тивнĕ, тĕрĕссипе, утă уйăхĕнчен кăна ĕçе кÿлĕннĕ. Апла пулин те фонд пысăк ĕç пурнăçлама пултарнă.
Чăваш Енре транспорта газ оборудованийĕ çине куçарнăшăн субсиди пама пуçланă: тăкаксен 90 яхăн процентне саплаштараççĕ.
Коммуналлă хытă каяшсемшĕн тӳлемелли виçе улшăнĕ-и? Кун пирки ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен планеркăра ыйту çĕкленĕ.
Паян ЧР Пуçлăхĕн тивĕçĕсене вăхăтлăх пурнăçлакан Олег Николаев пурăнмалли вырăнпа коммуналлă хуçалăх тата энергетика организацийĕсен представителĕсемпе канашлу ирттернĕ.
Чăвашла верси
Русская версия
